Наталля Радзіна просіць беларусаў патрабаваць ад уладаў разблакавання «Хартыі-97» і іншых сайтаў

За нашу і вашу свабоду!

Галоўная рэдактарка сайта Charter97.org Наталля Радзіна звярнулася да беларусаў – пратэстоўцаў і страйкоўцаў:

Дарагія сябры!

Увесь свет спачатку са здзіўленнем глядзеў на нашу барацьбу, а цяпер пляскае ў ладкі Беларусі стоячы. Краіна прыйшла ў рух, але рэжым спрабуе чапляцца за рэшткі ўлады. Пасля таго як да Усеагульнай нацыянальнай забастоўкі далучыліся флагманы беларускай эканомікі і дзясяткі тысячаў малых і сярэдніх прадпрыемстваў, лёс рэжыму Лукашэнкі прадвызначаны. Аднак улада яшчэ спрабуе блакаваць распаўсюд свабоднай інфармацыі пра сітуацыю ў краіне. Ужо больш за два гады блакуецца ўладамі наш сайт Charter97.org («Хартыя-97»). У апошнія дні перыядычна спыняецца доступ і да іншых незалежных сайтаў.

Як галоўная рэдактарка сайта Charter97.org я вельмі прашу вас, беларусы, пратэстоўцы і страйкоўцы, сярод іншых важных патрабаванняў дамагацца ад уладаў спыніць блакаванне сайта «Хартыі-97» і іншых незалежных СМІ. Гэта дапаможа многім беларусам даведвацца праўду.

Асобна прашу супрацоўнікаў страйкавых прадпрыемстваў, звязаных з забеспячэннем працы інтэрнэту ў краіне: патрабуйце ад свайго кіраўніцтва спыніць абмежаванне свабоды слова.

За нашу і вашу свабоду!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]