Сыну Ларысы Грыбалёвай адмовіліся рабіць ПЦР-тэст на каранавірус

Артыстка пракаментавала сітуацыю.

Сын беларускай спявачкі і тэлевядоўцы Ларысы Грыбалёвай захварэў, але яму не зрабілі ў паліклініцы тэст на каранавірус. Пра гэта артыстка расказала ў сторыс у Instagram, паведамляе blizko.by.

Са слоў Грыбалёвай, тэст яе дзіцяці адмовіліся рабіць, бо ў яго няма тэмпературы. Тэлевядоўца гэта абурыла.

«Мой сын захварэў. Тэст нам адмовіліся рабіць у паліклініцы, няма тэмпературы, і ніхто ў сям'і не хварэе. Прызначылі лядзянцы, вітамін С і шмат піць», - напісала Грыбалёва.

Яна дадала, што перажывае, ці не ковід у яе сына, бо ў іх дома жыве яшчэ і 75-гадовая маці тэлевядоўцы, якая знаходзіцца ў групе павышанай рызыкі, а таксама дачка з бранхіяльнай астмай і яшчэ двое дзяцей.