Беларускі медык расказаў пра сімптомы «омікрону» ў дзяцей і калі абавязкова звяртацца да лекара.

Спектр скарг і сімптомаў пашырыўся.

Сярод асаблівасцяў штаму COVID-19 «омікрон» у дзяцей – страўніка-кішэчныя праявы. Магчымыя і цяжкія выпадкі - іх прыкметай могуць быць працяглая высокая тэмпература, а таксама пачашчанае дыханне ці пульс. Пра гэта ў эфіры тэлеканалу (СТВ спектр скаргаў і сімптомаў, характэрных для каранавіруснай інфекцыі штаму «омікрон», пашырыўся.) паведаміў Кірыл Савасценка, загадчык аддзялення 6-й дзіцячай паліклінікі Менска.

- Цяпер спектр скаргаў і сімптомаў, характэрных для каранавіруснай інфекцыі штаму «омікрон», пашырыўся. Не толькі праява сімптомаў рэспіраторнай інфекцыі (ліхаманка, кашаль), але і рынарэя, міялгія, скурныя высыпанні. І вельмі часта мы фіксуем у дзяцей страўніка-кішэчныя праявы: дыярэю, ваніты. У дзяцей да года вельмі часта скаргі на страўніка-кішэчныя праявы. Звяртаюцца бацькі. Мы фіксуем, што ў большасці выпадкаў гэта менавіта «омікрон», - распавёў Кірыл Савасценка.

З ягоных слоў, ёсць група дзяцей, старэйшых за 10 гадоў, у якіх фіксуюцца выпадкі развіцця цяжкай плыні каранавіруснай інфекцыі, якая ў некаторых выпадках заканчваецца развіццём мультысістэмнага запаленчага сіндрому. Такія выпадкі патрабуюць шпіталізацыі ў стацыянар.

- На што неабходна звярнуць увагу бацькоў? Першае. Калі ліхаманка, падвышаная тэмпература цела трымаецца больш за тры дні. Калі мы гаворым пра дзяцей да года, гэта адмова ад грудзей. Альбо, калі дзіця на змяшаным кармленні, адмова ад бутэлечкі. Гэта крактанне, гэта ўдзел у акце дыхання дапаможнай мускулатуры, гэта значыць прыкметы дыхальнай недастатковасці. Гэта тахіпноа (пачашчэнне дыхальных рухаў), тахікардыя (пачашчэнне сардэчных скарачэнняў). Гэта тыя прыкметы, на якія неабходна бацькам звяртаць увагу і звяртацца па медычную дапамогу, - паведаміў медык.