Беларус стаў пераможцам конкурсу піяністаў у Гішпаніі

За яго прагаласавалі ўсе сябры журы.

Беларус Уладзіслаў Хандогій атрымаў першую прэмію 24-га міжнароднага конкурсу піяністаў "Кампазітары Гіпаніі" (CIPCE), які закончыўся 16 лістапада. Пра гэта паведамляе выданне "Беларусь і свет".

Наш 22-гадовы суайчыннік быў прызнаны пераможцам аднагалосна ўсімі 13 чальцамі журы - музычнымі экспэртамі з Гішпаніі, Грузіі, Кубы, Нямеччыны, ЗША, Харватыі, Кітая, Бэльгіі, Партугаліі і Італіі.

Другі прыз не прысуджаўся. Трэці, зноў жа паводле аднагалоснай пастановы чальцоў журы, падзялілі Чэнь Чжылінь з Кітая і Марта Тэхера Фернандэс з Гішпаніі. Апошняй таксама прысудзілі прэмію за найлепшую інтэрпрэтацыю гішпанскай музыкі.

Конкурс праходзіць штогод і праводзіцца ў прадмесці гішпанскай сталіцы - населеным пункце Лас-Росас-дэ-Мадрыд, у мясцовай Канцэртнай зале Хаакіна Радрыга. Ён прысвячаецца кожны раз творчасці аднаго з гішпанскіх кампазітараў.

У спаборніцтве могуць браць удзел піяністы з кожнай краіны ва ўзросце да 36 гадоў. Ёсць чатыры этапы: онлайн-адбор, другі тур (удзельнічаюць максімум 46 чалавек), паўфінал (максімум 10) і фінал (максімум 3).

Цяперашні конкурс быў прысвечаны кампазітару Томасу Марка. Усе ўдзельнікі сярод іншых твораў мусілі выконваць і яго працы. Аднак у фінале выконваўся канцэрт для фартэпіяна з аркестрам. Усе фіналісты гралі Рахманінава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]