У Магілёве прадаюць 23-гадовы VW Golf 4 за $9 тысячаў

Што ў ім такога?

У Магілёве дорага прадаюць стары VW Golf. Аўтамабіль 2001 года выпуску, пад капотам у яго бензінавы рухавік абёмам 1,6 літра, які працуе ў пары з АКПП.

Заяўлены прабег – 215000 кіламетраў. Прадавец сцвярджае, што аўтамабіль знаходзіцца ў завадской афарбоўцы, паведамляе «Наша Нiва».

Таксама ў апісанні пазначана, што нумары разам з машынай не прадаюцца. Але якая там камбінацыя лічбаў і літараў – невядома, бо на ўсіх здымках нумары схаваныя.

Звонку аўтамабіль для свайго ўзросту сапраўды выглядае добра, але ацаніць стан салона з фота немагчыма.

Пярэднія сядзенні схаваныя пад чахламі, на стырно нацягнутая аплётка, якая трымае планшэт. Ашалёўка дзвярной карты выглядае трохі пацёртай.

У цэлым у аўто стае не заводскіх аксэсуараў. На панэлі можна заўважыць мацаванне для тэлефона і кілімок-трымальнік з дзяржаўным гербам усярэдзіне.

На задніх дзвярах і багажніку праглядаюцца не завадскія шторкі, на ўсіх вокнах усталяваныя ветравікі.

Ва ўсім астатнім, акрамя кошту 9 тысячаў даляраў, гэта шараговы VW Golf 4 з надзейным, але далёка не самым топавым рухавіком. Прабег аўтамабіля таксама не такі ўжо маленькі, каб ён меў якую-небудзь калекцыйную каштоўнасць.

Golf чацвёртага пакалення выпускалі з 1997 да 2006 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]