«Лядовае пабоішча»: у Чыжоўцы хакеісты зладзілі масавую бойку ў канцы матчу
15- 11.12.2024, 9:59
- 10,342
Усё пачалося з бою паміж абаронцам гаспадароў і форвардам гасцей.
У матчы Вышэйшай лігі чэмпіянату краіны паміж камандамі Беларусь U18 – “Дынама-Алімпік” хакеісты біліся пяць на пяць, паведамляе hockey.by.
Юніёрская каманда Беларусі на "Чыжоўка-арэне" прымала ў рамках другога па сіле дывізіёна чэмпіянату краіны каманду "Дынама-Алімпік". Гэта быў другі матч каманд за два дні. 9 кастрычніка госці перамаглі 2:1, а ў другім матчы былі мацнейшымі — 4:0. За дзве з паловай хвіліны да канца трэцяга перыяду паўторнай сустрэчы хакеісты надумалі зладзіць кулачныя паядынкі.
Усё пачалося з бою паміж абаронцам гаспадароў Паўлам Салаўём і дынамаўскім форвардам Мікітам Вікулавым. Праз яе Салавей атрымаў 5+20+20 хвілін штрафу - за бойку і неспартыўныя паводзіны. Сыходзячы на лаўку штрафнікоў, Павел "вызначыўся праз меру актыўнай жэстыкуляцыяй і гаманлівасцю".
Далей трэнеры Беларусь U18 узялі 30-секундны тайм-аўт, пасля чаго, адразу пасля ўкідвання, усе палявыя хакеісты, якія знаходзіліся на пляцоўцы, сталі біць адзін аднаго. Недзе гэта нагадвала бокс, а недзе, хутчэй, змагарскія сутычкі.
«Лядовае пабоішча на «Чыжоўка-арэне», - ахарактарызаваў здарэнне каментатар матчу.
Сур'ёзных траўм, мяркуючы з усяго, ніхто не атрымаў. Адзначым, што брамнікі біцца не сталі. У выніку каманды набралі за гульню 337 хвілін штрафу.
«У гэтых матчах прысутнічала шмат барацьбы - гэта нармальна, так павінна быць. Проста нельга дазволіць спаборніку крыўдзіць свайго брамніка, і каб гэта сыходзіла з рук. Прыйшлося адказаць», - заявіў пасля матчу галоўны трэнер юніёрскай каманды Сцяпан Панамароў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
