Mercedes-AMG упершыню паказала свой электрычны пазадарожнік

1000 конскіх сілаў пад капотам.

Прататып аднаго з двух магутных электрычных аўто, над якімі працуе Mercedes-AMG, прадэманстравалі падчас выпрабаванняў.

Mercedes-AMG стварае два новыя электрычныя аўтамабілі: магутны пазадарожнік і чатырохдзвернае купэ. Абодва аўто, як чакаецца, выставяць у наступным годзе. У абодвух будзе скарыстаная новая архітэктура брэнду AMG.EA.

На гэтым тыдні брэнд упершыню прадэманстраваў адну з гэтых мадэляў – пазадарожнік сфатаграфавалі падчас выпрабавання ў халоднае надвор'е ў Швэцыі. На фота можна ўбачыць, што прататып гэтага аўто з'яўляецца чатырохдзверным, з вострай пярэдняй часткай і хупавым кузавам. Памерам ён будзе падобны да GLS і вонкава зусім не будзе падобны на цяперашнюю серыю аўто Mercedes EQ.

Як піша Motor1, Mercedes пацвердзіла, што гэты SUV будзе выкарыстоўваць рухавікі з восевым патокам і новую высокапрадукцыйную акумулятарную батарэю, якая забяспечвае 40-адсоткавае павышэнне шчыльнасці энэргіі. Гэта дасць магутнасць больш за 1000 конскіх сілаў.

Пазадарожнік Mercedes-AMG EQE на гэты момант з'яўляецца самым магутным электрамабілем AMG у лінейцы. Ён мае акумулятар ёмістасцю 90,6 кілават-гадзінаў і магутнасць 617 конскіх сілаў. Аўто разганяецца да 100 кіламетраў за гадзіну за 3,4 секунды.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]