Пасажырка маршруткі надумала адпомсціць прынцыповаму кіроўцу і напісала скаргу

У выніку пакаралі яе.

Беларуска напісала ў ДАІ скаргу на кіроўцу, сцвярджаючы, што ў маршрутцы, у якой яна ехала, не было рамянёў бяспекі. У інспекцыі правялі праверку і прыцягнулі да адказнасці аўтарку звароту. Падрабязнасці гісторыі расказала прэс-служба Міжрэгіянальнай асацыяцыі перавозчыкаў (МАП).

Інцыдэнт здарыўся некалькі месяцаў таму. У ДАІ аднаго з абласных цэнтраў паступіла скарга ад пасажыркі міжгародняй маршруткі. Жанчына расказала, што кіроўца буса нібыта парушаў ПДР.

«Канфлікт узнік праз рамяні бяспекі. Перад адпраўленнем кіроўца нагадвае аб неабходнасці прышпіліцца, але не ўсе пасажыры рэагуюць на гэтыя просьбы адэкватна. Часам узнікаюць скандалы», - растлумачыў МАП перавозчык.

У скарзе, адпраўленай у ДАІ, жанчына адзначыла, што маршрутка не адпавядала патрабаванням бяспекі. Яна напісала, што ў аўтобусе зусім не было рамянёў бяспекі. Таму ёй давялося падвяргаць сваё жыццё небяспецы: бо ўсю дарогу яна ехала непрышпіленая.

У ДАІ правялі праверку. Перавозчык паказаў інспектарам аўтобус, на які і паступіла скарга. Інфармацыя са звароту не пацвердзілася. Усе рамяні былі спраўныя, мала таго, на кожным сядзенні размешчаны налепкі, якія нагадваюць аб неабходнасці прышпіліцца.

Але на гэтым гісторыя не скончылася. Паколькі пасажырка дакладна напісала, што ехала непрышпіленая, значыць, яна парушала патрабаванні правілаў. Як паведамілі перавозчыку, менавіта жанчыну прыцягнулі да адказнасці за паездку без рэменя», - паведамілі ў МАП.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]