«Узяў грошы «на бізнэс» нават у таксіста»

Гісторыя беларуса з Ашмянаў, які вельмі любіў гуляць на аўтаматах.

Жыхар Ашмян браў у пазыку грошы на "развіццё бізнэсу", але марнаваў усё ў гульнявых аўтаматах. Сталічныя міліцыянеры затрымалі 51-гадовага мужчыну, паведамілі ў МУС.

Напрыклад, у мянчанкі ён узяў пад распіску амаль 11 тысяч рублёў нібыта для закупкі мясной прадукцыі для продажу. У тэрмін не вярнуў. У мужчыны сапраўды ёсць бізнэс, але некалькі апошніх гадоў ён стратны, адзначылі ў МУС.

«Таксама знойдзеныя яшчэ чацвёра пацярпелых, сярод якіх яго знаёмыя і нават кіроўца таксі, які аднойчы падвозіў затрыманага, - распавялі ў ведамстве. - Агульная сума шкоды склала амаль 200 тысяч рублёў у эквіваленце. Чужыя грошы фігурант марнаваў у гульнявых установах».

Следчымі распачатая крымінальная справа за махлярства, учыненае ў буйным памеры. Паводле ч. 3 ст. 209 КК мужчыну пагражае да сямі гадоў калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]