Беларус хацеў завезці з Польшчы ровар, пакрыты золатам

Яго кошт - амаль $18 тысяч.

У пункце пропуску «Варшаўскі мост» (Берасце) супрацоўнікі мытні звярнулі ўвагу на ровар, які мужчына, які рухаўся з Рэспублікі Польшча ў Рэспубліку Беларусь, спрабаваў увезці праз «зялёны калідор». Двухколавы транспарт знаходзіўся ў разабраным стане. Беларус растлумачыў, што купіў веласіпед раней у Менску, па аб'яве, за 250 даляраў, а ў Польшчы яго рамантаваў. Для ўстанаўлення кошту веласіпеда прызначаная таваразнаўчая экспэртыза.

Падчас даследавання экспэртам управы Дзяржаўнага камітэта судовых экспэртыз па Берасцейскай вобласці вызначана гандлёвая марка і мадэль гэтага аб'екта.

Устаноўлена, што гэты веласіпед выпушчаны ў абмежаванай серыі 50 адзінак, абсталяваны гідраўлічнымі дыскавымі тармазамі і электроннымі перамыкачамі, дэталямі ад вядучых сусветных вытворцаў з выкарыстаннем трывалых і лёгкіх матэрыялаў: карбону, керамікі, каляровых металаў; покрыўкамі ад вытворцы шын для Формулы-1 , рама і некаторыя іншыя элементы пакрытыя сусальным золатам.

Паводле высновы экспэрта, кошт прадстаўленага для даследавання ровара з улікам камплектнасці і зносу складае больш за 62 тысячы беларускіх рублёў — амаль $18 тысяч.

Недэклараванне мужчынам «залатога» ровара можа пацягнуць накладанне штрафу сумай ад 10 да 30 адсоткаў яго кошту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]