СМІ: Абодва энэргаблокі БелАЭС спыненыя

Адзін - праз няспраўнасць.

Абодва энэргаблокі Беларускай атамнай электрастанцыі вось ужо два тыдні не выпрацоўваюць электрычнасць. І калі першы знаходзіцца на планавым рамонце, то другі адключаны праз няспраўнасць контуру, які з'яўляецца носьбітам радыеактыўнага асяродку. Гэтую інфармацыю «Зеркалу» паведаміла крыніца, знаёмая з сітуацыяй. Даведаліся падрабязнасці.

- Адключэнне энэргаблока № 2 адбылося ўночы 4 снежня. Меркаваная прычына - спрацоўванне абароны з-за няспраўнасці (парушэнне герметычнасці) першага контуру. Ён з'яўляецца носьбітам радыеактыўнага асяродку і знаходзіцца на абслугоўванні рэактарнага цэха, - сцвярджае суразмоўца «Зеркала». - Пры гэтым першы энэргаблок таксама не працуе. Але яго адключылі планава для папераджальных рамонтаў. Сваёй электраэнергіі БелАЭС не выпрацоўвае ўжо тры тыдні і бярэ неабходную для працы электрычнасць з агульнай энэргасістэмы краіны.

Калі аб рамонце першага энэргаблока інфармацыя на афіцыйным сайце АЭС ёсць, то аб непрацоўным другім - не. У раздзеле "Вытворчыя паказчыкі" паведамляецца, што на 19 снежня 2024 года ён знаходзіцца ў прамысловай эксплуатацыі. Прасцей кажучы, працуе.

Журналіст "Зеркала" пад выглядам устурбаванага грамадзяніна патэлефанаваў у прыёмную генеральнага дырэктара БелАЭС. Сакратарка пацвердзіла, што другі энергаблок станцыі сапраўды не працуе, але не змагла сказаць, з якога дня.

- Так, другі энэргаблок не працуе, - паведаміла сакратарка. - Для атрымання адказаў на астатнія пытанні вам трэба патэлефанаваць у інфармацыйны цэнтр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]