У Беларусі масава ўзламалі сайты

За 12 хвілін адбыўся несанкцыянаваны доступ да больш як 100 сайтаў.

Цэнтр кібербяспекі беларускага хостынг-правайдэра hoster.by паведаміў аб спробе масавага ўзлому сайтаў. Паводле яго інфармацыі, "за 12 хвілін адбыўся несанкцыянаваны доступ да больш як 100 сайтаў".

Як паведамілі ў hoster.by, інцыдэнт здарыўся 16 снежня. Мішэнню сталі 90 сайтаў на OpenCart і амаль 30 сайтаў на WordPress.

У кампаніі адзначылі, што мэта ўзломшчыкаў - "змяніць код, каб перанакіроўваць наведвальнікаў на іншыя вэб-рэсурсы і збіраць звесткі пра іх". Чыннікам уразлівасці сайтаў тамака назвалі слабыя паролі, такія як admin або test:test123.

“Усе ўваходы былі зробленыя з першай спробы і ў кароткі прамежак часу на 12 хвілін. Гэта сведчыць аб тым, што ў зламыснікаў загадзя былі ўсе логіны і паролі ад вэб-рэсурсаў. Можна зрабіць выснову, што кібератака была загадзя спланаваная і аўтаматызаваная. Такім чынам, яна магла закрануць кліентаў усіх хостынг-правайдэраў, улічваючы папулярнасць атакаваных CMS”, - распавялі ў hoster.by.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]