Памерла ўдава Рыгора Барадуліна Валянціна

Ёй было 85 гадоў.

У апошні час Валянціна Барадуліна часта хварэла, у жніўні 2024 года нават трапіла ў рэанімацыю. Ёй было 85 гадоў. Бабуляй апекавалася ўнучка Дамініка, перадае «Радыё Свабода».

Рыгор і Валянціна пазнаёміліся яшчэ ў студэнцтве. Сужэнцы пражылі разам 53 гады у шчасьлівым шлюбе.

У 2010 годзе, калі Рыгор Барадулін хварэў, Валянціна Міхайлаўна Барадуліна казала ў інтэрв’ю пра шлюб:

«Адно можна з упэўненасьцю сказаць, што ня сумна было. Калі ў людзей ёсьць пачуцьцё гумару — а і ў яго, і ў мяне, спадзяюся, яно ёсьць — дык жыць лягчэй, і ўсялякія непрыемнасьці можна закаляраваць нейкім жартам ці анэкдотам. Няроўнае жыцьцё было, канешне, але ўвогуле — я шчасьлівая», — расказвала яна.

Валянціна была «лірычнай музай» паэта, ёй першай раніцай на кухні дзядька Рыгор чытаў свое вершы, напісаныя ўначы.

У 2015 годзе, праз год пасьля сьмерці сужэнца Валянціна апублікавала ў часопісе «Дзеяслоў» успаміны пра свайго мужа, народнага паэта Беларусі. Называліся нататкі «53 гады разам з геніем — непрыхарошаныя ўспаміны».

«Я павінна прызнацца, што не думала, што Рыгор — такі глыбокі чалавек і паэт. Мне здавалася, што ён найперш лірычны дый толькі, а калі прачытала ягоныя «Ксты», зразумела, што памылялася... Значыцца, я проста недаацэньвала яго...» — напісала яна.

Валянціна Барадуліна пайшла з жыцьця 18 сьнежня. Разьвітаньне з ёй ужо адбылося.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]