У Беларускай прасторы «Робім разам» адбылася прэс-канферэнцыя

Асабліва ажыўлена было пры абмеркаванні пытання па вызваленні палітвязняў.

У асацыяцыі Беларускі Моладзевы Хаб – афіцыйная назва Беларускай прасторы «Робім разам» – адбылася справаздачная прэс-канферэнцыя, на якой прысутнічалі журналісты і зацікаўленыя людзі, перадае «Радыё Рацыя».

На сустрэчу прыйшло больш 30 чалавек. Прэс-канферэнцыя прайшла вельмі ажыўлена.

Асабліва пры абмеркаванні пытання па вызваленні палітвязняў, – гаворыць кіраўнік Хаба Сяргей Бульба:

– Cябры нашай асацыяцыі прымаюць актыўны ўдзел у змаганні за вызваленне палітвязняў унутры Беларусі. Што мы робім? Што робяць нашыя сябры? Што мы можам зрабіць разам супольнымі намаганнямі?

Вялікую зацікаўленасць выклікала другая частка прэс-канферэнцыі, дзе гаварылася пра пазіцыю адносна магчымай страты памяшкання на Канстытуцыі, 6. Нездаровая атмасфера вакол асацыяцыі «Беларускі Моладзевы Хаб» з боку некаторых дэмсіл можа прывесці да канчатковай страты памяшкання, гаворыць удзельніца сустрэчы Таццяна:

– Адбываецца сутыкненне розных сілаў у беларускай эміграцыі. Гэта патрэбна ў першую чаргу рэжыму. І самае галоўнае – спецсужбам Беларусі, цяперашняму КДБ. Бо зараз ідзе атака па ўсіх франтах, менавіта з боку КДБ, на яшчэ большы раскол, чым ён ёсць.

Скончылася прэс-канферэнцыя аптымістычна: запрашэннем кіраўніцтва на святкаванне Новага году 31 снежня на 22-ю гадзіну па беларускім часе на Канстытуцыі, 6.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]