У Беларусі запускаюць самую «дальнабойную» маршрутку

Стала вядома, адкуль і куды яна паедзе.

Аператар рэйсавых маршрутных таксі «Атлас» абвясціў пра запуск новага бесперасадачнага маршруту праз усю краіну: ад Гародні да Віцебска. Пра гэта паведамляе Blizko.by са спасылкай на перавозніка.

Паездка паміж двума «несуседнімі» абласнымі гарадамі для пасажыра часцяком ператвараецца ў складаны лагістычны квэст.

Гэта альбо перасадка ў Менску (яшчэ трэба знайсці і зручную стыкоўку), альбо шматгадзінная паездка на цягніку, кажа аператар.

Некалі практычна ўсе абласныя цэнтры паміж сабой звязвалі і прамыя аўтобусныя маршруты, але паступова яны зніклі. Цяпер жа гэтая традыцыя адраджаецца.

З 3 студзеня стартуе, напэўна, самы доўгі ўнутрыдзяржаўны аўтобусны маршрут: «Гародня – Віцебск». Увогуле гэта больш за 600 кіламетраў дарогі, гаворыцца ў прэс-рэлізе.

Новы маршрут дазваляе дабрацца без перасадак і да іншых важных гарадоў у дзвюх абласцях. Аўтобус, сярод іншага, заязджае ў Ашмяны, Смаргонь, Вілейку, Мядзел, Нарач, Полацк і Наваполацк. А вось у Ліду маршрутка заязджаць не будзе.

Сэрвісы на пракладку маршрутаў паказваюць, што такі маршрут доўжыцца 630 кіламетраў. Чысты час язды без уліку прыпынкаў складае блізу 8,5 гадзіны, з прыпынкамі можа заняць да 10 гадзінаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]