Аляксей Протас пракаментаваў шайбу, закінутую на вачах у бацькоў

Для беларускага форварда ў НХЛ гэта асаблівы момант.

Беларускі нападнік «Вашынгтон Кэпіталз» Аляксей Протас пракаментаваў закінутую шайбу ў браму «Караліны Харыкейнз» у матчы НХЛ (3:1).

– Што для цябе значыла сённяшняя шайба? Напэўна, яна была асаблівай, бо тут твая сям'я.

– Так, момант асаблівы. Сям'я радая за мяне. Мы правялі добрую гульню, пачынаючы са старту. Добрая большасць дала нам імпульс, мы знайшлі свае шанцы, каб вызначыцца – усё выдатна.

– Як ты пасля вяртання ў звяно да Конара Макмайкла і П'ера-Люка Дзюбуа?

– З Майкі я гуляў у мінулым сезоне, і ў нас была пэўная хімія. Гэта разумны хакеіст, хуткі, змагаецца за шайбу. Тое самае магу сказаць пра Дзюбуа. Нашае звяно сёння згуляла добра.

– «Караліна» рабіла вялікі ціск.

– Мы былі гатовыя да гэтага, ведалі, чаго чакаць. Усе прарабілі добрую працу: і атака, і абарона. А брамнік быў побач. Гэта вялікая перамога для каманды.

– Вашы галы з Макмайклам прыйшліся на апошнія хвіліны. Наколькі гэта важна супраць такой каманды, як «Караліна»?

– Вельмі важна. Былі моманты і раней забіць. Гол Конара дазволіў нам павялічыць адрыў, ведалі, што «Караліна» не будзе здавацца, так што гэта была патрэбная шайба.

– Ізноў вярнуліся на пераможны шлях.

– Матч з такой камандай перад сваімі заўзятарамі стаў добрым іспытам для нас. Прарабілі вялікую працу як каманда, наперадзе нас чакаюць яшчэ два вялікія тэсты, трэба быць гатовымі, – адзначыў Протас на прэс-канферэнцыі.

Нагадаем, у гэтым сезоне на рахунку беларуса 32 матчы, у якіх ён набраў 27 (12+15) балаў выніковасці пры паказніку карыснасці «+16».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]