Для кіроўцаў у Беларусі ўводзяць яшчэ адну навінку

Яна датычыцца транспартнага падатку.

У Беларусі з 1 студзеня 2025 года ўвядуць яшчэ адну навіну ў транспартным падатку. Гэты збор скасуюць для некаторых катэгорый насельніцтва. Новаўвядзенне прадугледжанае праўкамі ў Падатковы кодэкс. Нагадаем, у наступным годзе чыноўнікі таксама падвысяць гэты збор.

З 2025 года некаторых уладальнікаў транспарту вызваляць ад выплаты падатку. Размова пра вайскоўцаў тэрміновай службы, а таксама тых, хто праходзіць альтэрнатыўную службу.

Але нюанс у тым, што падатак за транспарт за гэты год выплачваюць у наступным. Напрыклад, у 2024-м налічвалі збор за 2023-і. Таму фактычна вайскоўцы тэрміновай службы і тыя, хто праходзіць альтэрнатыўную службу, не будуць плаціць транспартны падатак з 2026-га, калі беларусам выставяць рахункі за 2025-ы.

Нагадаем, у транспартным падатку ёсць ільготы для некаторых катэгорый насельніцтва. Напрыклад, зніжка 50 адсоткаў прадугледжаная не толькі для ветэранаў ВАВ, інвалідаў I або II групы і пенсіянераў, але таксама ветэранаў баявых дзеянняў на тэрыторыі іншых дзяржаваў і шматдзетных сем'яў.

Таксама з 1 студзеня 2025 года ў Беларусі павысяць стаўкі транспартнага падатку. Новаўвядзенне датычыцца як фізічных асобаў, так і юрыдычных асобаў.

Памер транспартнага падатку залежыць ад дазволенай максімальнай масы, умяшчальнасці і прапісаны за адну адзінку транспартнага сродку. Напрыклад, за аўтамабіль з дазволенай максімальнай масай да 1,5 тоны цяпер трэба плаціць 66 рублёў за год, а з 1 студзеня 2025-га паднімуць да 70 рублёў. Рост – на 6,1%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]