У Менску простая просьба пары да незнаёмца скончылася нападам

Хулігана затрымалі.

Вынесены прысуд 38-гадоваму раней неаднаразова судзімаму менчуку, якога абвінавачвалі ва ўчыненні асабліва злоснага хуліганства, піша дзяржагенцтва "Мінск-Навіны" са спасылкай на пракуратуру Савецкага раёна.

Позна вечарам дзяўчына з хлопцам размаўлялі на лаўцы каля Камароўскага рынку. Раптам да іх падсеў незнаёмы мужчына. Маладыя людзі папрасілі яго перасесці на іншую лавачку, на што той дастаў са смецця шкляную бутэльку і разбіў яе аб галаву дзяўчыны. Хлопец заступіўся за сяброўку, паміж ім і фігурантам пачалася бойка. Зламыснік нанёс маладому чалавеку два ўдары «ружанькай» па твары і целе, а таксама некалькі разоў ударыў рукой па галаве.

Хулігана затрымалі, у дачыненні да яго распачалі крымінальную справу. Віну ён цалкам прызнаў, у зробленым раскаяўся.

- Абвінавачаны афіцыйна працаўладкаваны, раней дзесяць разоў прыцягваўся да крымінальнай адказнасці, у тым ліку за ўчыненне аналагічнага злачынства, - пракаментавала старэйшы памочнік пракурора Савецкага раёна Аліна Максімчык, якая выступала па гэтай крымінальнай справе дзяржаўным абвінаваўцам. - Суд прызнаў яго вінаватым у здзяйсненні злачынства, прадугледжанага ч. 3 арт. 339 КК Рэспублікі Беларусь (Асабліва злоснае хуліганства), і прызначыў пакаранне ў выглядзе пяці гадоў пазбаўлення волі, якія абвінавачаны правядзе ў папраўчай калоніі ва ўмовах строгага рэжыму. Акрамя таго, ён мусіць прайсці прымусовае лячэнне ад хранічнага алкагалізму.

Прысуд не ўступіў у дзеянне, можа быць абскарджаны і апратэставаны ва ўстаноўленым законам парадку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]