Forbes: Украіна здзівіла свет новай тактыкай
27- 22.12.2024, 13:24
- 50,750
Пра гістарычны бой УСУ пад Харкавам пішуць усе сусветныя СМІ.
Украіна прадэманстравала ўражальны прыклад інавацыйнага падыходу да вядзення баявых дзеянняў: у Харкаўскай вобласці нацыянальная гвардыя ўпершыню правяла цалкам рабатызаваную наступальную аперацыю.
Падзея настолькі значная, што на яе звярнулі ўвагу сусветныя СМІ.
Гэта стала важным этапам як для ўкраінскіх Узброеных сіл, так і для глабальнага разумення сучасных вайсковых тэхналогій, піша амерыканскі Forbes.
Брыгада Нацыянальнай гвардыі Украіны пад нумарам 13 ажыццявіла камбінаваную аперацыю з выкарыстаннем беспілотных наземных і паветраных дронаў для штурму расейскіх пазіцый.
У рамках аперацыі ўжываліся дзясяткі адзінак рабатызаванай тэхнікі, уключаючы выведвальныя і мінныя дроны, наземныя і паветраныя выбуховыя прыстасаванні, а таксама ўзброеныя наземныя робаты.
«Мы гаворым аб дзясятках адзінак рабатызаванай і беспілотнай тэхнікі, задзейнічаных адначасова на невялікай лініі фронту», - адзначыў прадстаўнік 13-й брыгады.
The Ministry of Defense has codified and approved for operation the Ukrainian robotic combat complex on a tracked platform equipped with a Browning 12.7 mm machine gun - the Droid TW 12.7.https://t.co/hakMtfwd65 pic.twitter.com/bOBKVP9SI7
— WarTranslated (Dmitri) (@wartranslated) December 9, 2024
Ключавым этапам аперацыі стала зачыстка расейскай траншэі з выкарыстаннем наземнага робата.
Такія дзеянні раней праводзіліся на тэрыторыі Курскай вобласці ў верасні, але цяперашняя атака прадэманстравала зусім іншы маштаб.
Аднак эксперты адзначаюць, што, нягледзячы на высокую эфектыўнасць робатаў пры нападзе, яны застаюцца недастаткова надзейнымі для ўтрымання захопленых пазіцый.
Праблемы з тэхабслугоўваннем, радыёперашкоды і немагчымасць забяспечыць сталае назіранне праз датчыкі застаюцца сур'ёзнымі выклікамі для выкарыстання вайсковай робататэхнікі.
Аднак нават пры такіх абмежаваннях Украіна працягвае заставацца лідарам у сферы вайсковых інавацый, выкарыстоўваючы сучасныя тэхналогіі для кампенсацыі недахопу чалавечых рэсурсаў.
Хоць украінскі бок пакуль не раскрывае ўсіх дэталяў аперацыі, зразумела адно: першы ў свеце цалкам рабатызаваны бой стаў важным прэцэдэнтам і, магчыма, паваротным момантам у вайне з Расеяй.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
