У Турцыі верталёт хуткай дапамогі рэзнуўся ў будынак шпіталя

Чатыры чалавекі загінулі.

Верталёт хуткай дапамогі рэзнуўся ў будынак шпіталя на поўдні Турцыі, папярэдне, праз туман. У выніку інцыдэнту загінулі чатыры чалавекі – два пілоты і два медыкі.

Інцыдэнт адбыўся раніцай 22 снежня ля Кетэклі муніцыпалітэта Ментэшэ ў правінцыі Мугла. Пра гэта паведамляе Anadolu Ajansı.

Адзначаецца, што верталёт належаў Міністэрству аховы здароўя Турцыі і мусіў ляцець у Анталлю.

Ужо ў лічаныя імгненні пасля ўзлёту з пасадачнай пляцоўкі Вучэбна-даследчай лякарні ён рэзнуўся ў верхнія паверхі гэтай медустановы і разбіўся, упаўшы на пустую мясцовасць.

«Сёння блізу 10.06 разбіўся верталёт хуткай дапамогі, звязаны з нашым Міністэрствам аховы здароўя. На жаль, чацвёра нашых супрацоўнікаў пайшлі з жыцця: два пілоты, лекар і медработнік. Мае спачуванні», – заявіў губернатар Муглы Ідрыс Акбійік.

Ён указаў, што трагедыя, імаверна, адбылася праз умовы надвор'я, аднак дакладная прычына яшчэ высвятляецца. З яго слоў, унутры лякарні не было ніякіх праблем, толькі пашкоджанні шклення і нейкай мэблі.

На месцы авіякатастрофы працавалі брыгады хуткай, пажарнай аховы, паліцыі AFAD (Прэзідэнцтва па ліквідацыі наступстваў стыхійных бедстваў і надзвычайных сітуацый Турцыі).

На смяротны інцыдэнт адрэагаваў прэзідэнт Турцыі Раджэп Таіп Эрдаган, выказаўшы спачуванні сем'ям і калегам загінулых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]