У расейскім Абакане адбыўся выбух на тэрыторыі завода

Ёсць загінулыя.

У расейскім Абакане на тэрыторыі былога Абаканскага доследна-механічнага завода адбыўся выбух. Аб гэтым губернатар Хакасіі Валянцін Канавалаў паведаміў у сваім тэлеграм-канале.

Паводле папярэдніх звестак МНС, два чалавекі загінулі, яшчэ чацвёра пацярпелі праз выбух пры правядзенні зварачных работ. Стан чатырох пацярпелых лекары ацэньваюць як цяжкі, піша «Радыё Свабода».

Са слоў Канавалава, выбух адбыўся праз парушэнне тэхнікі бяспекі.

Намеснік кіраўніка Хакасіі Юрый Курлаеў паведаміў, што на пляцоўцы былога завода, якая здаецца ў арэнду, праводзілі пнеўматычныя выпрабаванні.

«Рыхтавалі цыстэрну пад ваду. Выраблялі апрасоўку паветрам і адбыўся выбух», - паведаміў Курлаеў у сваім тэлеграм-канале, адзначыўшы, што пакуль невядома, чый менавіта цэх пацярпеў. Распачатая крымінальная справа аб парушэнні тэхнікі бяспекі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]