The Economist: Украіна распрацоўвае ракету, здольную біць па Маскве
12- 24.12.2024, 14:04
- 9,966
Яна будзе ў сотні разоў таннейшая за заходнія аналагі.
Украінскія распрацоўшчыкі ракеты "Трэмбіта" заявілі, што яе базавая далёкасць дасягае ўжо 200 кіламетраў, што дазваляе дасягаць стратэгічных цэляў у РФ. Аднак для дасягнення Масквы ва Украіне распрацоўваецца больш магутная мадэль, піша The Economist са спасылкай на ўкраінскіх вайскоўцаў, знаёмых з гэтым пытаннем.
Як адзначаецца, "Трэмбіта" у базавай камплектацыі здольная развіваць хуткасць да 400 км/г і мае далёкасць палёту 200 км. Аднак для дасягнення Масквы ва Украіне распрацоўваецца больш магутная мадэль.
Яшчэ летась распрацоўшчыкі заяўлялі, што далёкасць паражэння "Трэмбіты" складае 140 кіламетраў.
Рухавік ракеты - гэта "сучасны рымейк” рэактыўнага імпульснага рухавіка коштам 200 даляраў, які ўпершыню быў выкарыстаны ў нямецкай бомбе V-1 у 1944 году. Труба рухавіка - чарнавы варыянт.
Распрацоўка "Трэмбіты" доўжыцца паўтара года.
Са звестак выдання, патрабуецца не менш за год для вытворчасці ракет у колькасці, дыяпазоне і магчымасцях, якія маглі б сур'ёзна пагражаць Расеі.
Пакуль урад Украіны падтрымлівае вытворчасць любой ракеты, якая паказала, што можа лятаць. Прыватным вытворцам прапануецца прыбытак 25%, як і вытворцам беспілотнікаў.
Раней распрацоўшчыкі адзначалі, што "Трэмбіта" будзе ў сотні разоў таннейшай за заходнія аналагі. Са слоў інжынераў, ракету можна выкарыстоўваць як прынаду для войскаў СПА Расеі, а праз нізкую цану яе збыт "будзе нявыгадным" з эканамічнага пункту гледжання.
Распрацоўкай ракеты займаюцца інжынеры валанцёрскага канструктарскага бюро PARS супольна з валанцёрамі грамадскай арганізацыі "Адпор".
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
