У Амстэрдаме чатыры чалавекі атрымалі тэрміны за напад на ізраільцянаў

Яшчэ шэсць іншых падазраваных павінны паўстаць перад судом пазней.

Суд Амстэрдама асудзіў да розных турэмных тэрмінаў чатырох чалавек за напад на фанатаў тэль-авівскага «Макабі» пасля матчу Лігі Еўропы з «Аяксам». Пра гэта паведамляе RMC Sport.

Яны былі прызнаныя вінаватымі ў шэрагу злачынстваў, пачынаючы ад збіцця фанатаў «Макабі» на вуліцы і заканчваючы падбухторваннем да гвалту ў чатах.

Самы доўгі тэрмін атрымаў 32-гадовы Сэфа А. (шэсць месяцаў турмы), які збіваў ізраільскіх фанатаў, у тым ліку тых, хто ўжо ляжаў на зямлі. Восем месяцаў умоўна, тры месяцы турмы дасталіся 24-гадоваму Умуткану А., які ў тым ліку быў ідэнтыфікаваны як аўтар паведамлення ў сацсетках з заклікамі пачаць «паляванне на габрэяў». Усяго 24 снежня прысуды былі вынесеныя пяці фанатам, адзін з іх, няпоўнагадовы, атрымаў 100 гадзінаў грамадскіх працаў.

Яшчэ шэсць іншых падазраваных павінны паўстаць перад судом пазней. Трое з іх – няпоўнагадовыя, і слуханні з іх удзелам пройдуць за зачыненымі дзвярыма.

Матч адбыўся 7 лістапада і закончыўся перамогай «Аякса» з лікам 5:0. Пасля гульні дзясяткі ізраільскіх заўзятараў зазналі напад у Амстэрдаме. У сацсетках з'явіліся відэа нападу на фанатаў з боку дзясяткаў людзей, у тым ліку ў масках і з палестынскімі сцягамі.

Сама меней дзесяць ізраільцянаў пацярпелі ў выніку нападаў. Блізу 50 чалавек былі затрыманыя паліцыяй. Прэм'ер-міністр Ізраіля Біньямін Нетаньяху нават назваў напад на фанатаў у Амстэрдаме паўтарэннем Крыштальнай ночы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]