Пашынян адмовіўся ад удзелу ў нефармальным саміце СНД

На ім будзе Лукашэнка.

Прэм'ер-міністр Арменіі Нікол Пашынян паведаміў, што не паедзе на нефармальны саміт Судружнасці незалежных дзяржаваў (СНД), які пройдзе 25 снежня пад Санкт-Пецярбургам. Ён растлумачыў сваю пастанову тым, што нядаўна хварэў на каранавірус. Пашынян расказаў, што ў панядзелак у яго быў станоўчы тэст на СOVID-19, чаму 23–24 снежня ён працаваў з дому. І хоць 25 снежня даследаванне паказала, што прэм'ер здаровы, была прынятая пастанова адмовіцца ад паездкі на саміт, гасцей якога будзе прымаць Пуцін. На саміце будзе і Лукашэнка.

«Параіўшыся з калегамі, я пастанавіў, што не буду ўдзельнічаць у нефармальным саміце лідараў краінаў СНД… Да канца дня прыму пастанову, удзельнічаць ці не ўдзельнічаць у заўтрашнім пасяджэнні Найвышэйшай эканамічнай рады ЕАЭС», – паведаміў Пашынян. Арменія сёлета старшынюе ў ЕАЭС.

Пашынян ужо другі год імкнецца ўнікаць самітаў з удзелам Расеі і рэжыму Лукашэнкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]