Названы дарогі Беларусі, якія могуць стаць платнымі

Кіроўцам на вока.

У Беларусі зацверджана канцэпцыя развіцця сістэмы платных аўтамабільных дарог. Адпаведная пастанова "саўміна" апублікаваная на Нацыянальным прававым партале.

У краіне платныя дарогі ёсць з 2013 года. Цяпер іх агульная працягласць складае 1 787 кіламетраў, 806 з якіх - у Менскай вобласці. Адзначаецца, што за 2015-2021 гады дзель збору платы за праезд па такіх магістралях у напаўненні рэспубліканскага дарожнага фонду ўзрасла з 14,9 адсотка да 83,2 адсотка. Пасля ўвядзення транспартнага падатку ў 2022 годзе яна стала другой паводле аб'ёму складніка рэспубліканскага дарожнага фонду.

Да 2030 года працягласць платных дарог у Беларусі плануецца павялічыць да 2,1 тысячы кіламетраў.

Найбольш перспектыўнымі для ўключэння ў іх склад названы наступныя ўчасткі:

Р-53 Слабада - Навасады;

М-3 Менск - Віцебск;

Р-28 Менск - Маладэчна - Нарач;

Р-58 Менск - Калачы - Мядзел;

М-14 Другая колаая аўтамабільная дарога вакол г. Менска;

М-8/Е 95 мяжа Расейскай Федэрацыі (Езярышча) - Віцебск - Гомель - мяжа Украіны (Новая Гута);

М-10 мяжа Расейскай Федэрацыі (Селішча) - Гомель - Кобрын;

колавая дарога вакол Менска.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]