У Менску здаюць у арэнду кватэру без водаправода, каналізацыі і прыбіральні

Колькі хочуць за такія ўмовы?

У Менску шмат самага разнастайнага жылля. І ўсё адно на рынку нерухомасці можна знайсці кожны раз нешта новае і дзіўнае. На гэты раз прапануюць кватэру ў шматкватэрным доме-бараку, у якім выгод няма ніякіх, піша Blizko.by.

У аб'яве прапануецца ў арэнду кватэра ў 2-павярховым цагляным доме на вуліцы Кузьмы Мініна. Нумар дома не называецца, але на фота можна разгледзець пяцёрку на адраснай шыльдзе. На ўсёй вуліцы Мініна ёсць толькі пяць жылых двухпавярховікаў, і параўнальнае фота з панарамамі пацвярджае, што гэта сапраўды дом №5.

Да арэнды прапануецца кватэра на першым паверсе, агульная плошча складае 28,8 м2, жылая - 20,1, кухня - 8,6.

Вельмі вялікая па мерках панэлек кухня, але не спяшайцеся цешыцца. Водаправода няма, ваду даводзіцца насіць вёдрамі. Адпаведна, і прыбіральні таксама няма.

А што ёсць?

«Ёсць камора, якую можна ўладкаваць у якасці другога пакоя. Ёсць мэбля, дзве раскладныя канапы, рамонт - прымальны, газавая пліта, плошча 30 м2, добры выгляд з акна, вокны ў двор, дзіцячая пляцоўка, побач гіпермаркет і зялёная зона», - гаворыцца ў аб'яве. Лядоўня таксама ёсць (вельмі непрывабнага выгляду).

Гаспадар хоча здаць кватэру на працяглы тэрмін, прычым "без дзяцей, без праблем з алкаголем".

Кошт арэнды - 120 даляраў на месяц + камунальныя выплаты. Таксама гаспадар патрабуе заклад, які абяцае вярнуць пры высяленні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]